Azərbaycan Xalq Cuhuriyyətinin 100 illiyi ilə əlaqədar rəsmi qəbul keçirilib

1918-cil ildə Azərbaycan Demokratik Respublikasının Tbilisidə elan olunduğu indiki “Gənclər sarayında” Azərbaycanın Gürcüstandaki səfirliyi tərəfindən, Respublika günü və Azərbaycan Xalq Cümhuriyyətinin 100 illiyi münasibətilə rəsmi qəbul təşkil edilib.

Cmedia xəbər verir ki, Mərasim Azərbaycan və Gürcüstanın dövlət himnlərinin ifa olunması ilə başlayıb.Tədbirə Gürcüstanın baş naziri Giorgi Kvirikaşvili, xarici işlər naziri Mixeil Canelidze, müdafiə naziri Levan İzoriya, Kvemo Kartli qubernatoru Qriqol Nemsadze və müavini Zaur Darğallı, Gürcüstanın Barış və Vətəndaş Bərabərliyi Məsələləri üzrə dövlət nazirinin Kvemo Kartli bölgə  müşaviri Ayaz Məmmədov,Gürcüstan parlamentinin deputatları Ruslan Hacıyev, Savalan Mirzəyev və Tamaz Naveriani, Marneuli şəhərinin meri Temur Abazov, digər rəsmi şəxslər və ictimaiyyət nümayəndələri qatılıblar. Tədbirdə ilk olaraq Azərbaycanın Gürcüstandaki səfiri Dursun Həsənov çıxış edərək,  “Azərbaycan və Gürcüstan azad və parlaq gələcəyi olan və beynəlxalq arenada nüfuzlu ölkələrdir. Müstəqillik ən böyük sərvət və nailiyyətdir. Müstəqillik yolunda hər iki xalqa uğurlar diləyirəm”.Daha sonra çıxış edən G.Kvirikaşvili Azərbaycan xalqını Respublika günü və ilk respublikanın yaranmasının 100 illiyi münasibətilə təbrik edib. Gürcüstan və Azərbaycanın birgə həyata keçirdiyi strateji layihələrdən danışıb. Çıxışlardan sonra  Azərbaycan Xalq Cümhuriyyətinin müstəqillik aktı oxunub. Rəsmi qəbul canlı konsert proqramı ilə davam edib.